టాలీవుడ్ హీరో మెగాస్టార్ చిరంజీవి మరో అరుదైన ఘనత సాధించారు. భారతీయ సినీ చరిత్రలో అపురూపమైన నటుడిగా చిరంజీవిని గిన్నిస్ బుక్ ఆఫ్ వరల్డ్ రికార్డ్స్ సంస్థ గుర్తించింది. ఆయనకు సముచిత స్థానం కల్పిస్తూ గుర్తింపు పత్రం అందజేసింది.
చిరంజీవి ఇప్పటివరకు 156 సినిమాల్లో 537 పాటల్లో 24,000 డాన్స్ స్టెప్పులు వేయడంతో గిన్నిస్ వరల్డ్ రికార్డుల్లో స్థానం సంపాదించారు.
హైదరాబాదులోని ఐటీసీ కోహినూర్ హోటల్ లో గిన్నిస్ వరల్డ్ రికార్డ్ ప్రకటన కార్యక్రమం వైభవంగా జరిగింది. ఈ కార్యక్రమంలో గిన్నిస్ బుక్ ప్రతినిధులు, బాలీవుడ్ స్టార్ హీరో అమిర్ ఖాన్, టాలీవుడ్ ప్రముఖులు, మెగాస్టార్ కుటుంబ సభ్యులు, ఇతర రంగాల ప్రముఖులు పాల్గొన్నారు.
నటన మీద కంటే డాన్స్ మీద తనకు ఉన్న ఇష్టంతోనే గిన్నిస్ అవార్డు వరించిందని చిరంజీవి అన్నారు. చిన్నతనం నుంచి డాన్స్ వేయడం తనకు అదనపు బలం అన్నారు.
చిరంజీవి అరుదైన ఘనత సాధించడంపై తెలుగు రాష్ట్రాల ముఖ్యమంత్రులు, మంత్రులు, ఇతర రంగాల ప్రముఖులు శుభాకాంక్షలు తెలిపారు.
