చెస్ ఒలింపియాడ్-2024లో భారత్ అరుదైన ఘనత సొంతం చేసుకుంది. ఓపెన్ కేటగిరీలో తొలిసారి స్వర్ణ పతకాన్ని సాధించింది. గోల్డ్ మెడల్ సాధించిన భారత జట్టులో డి.గుకేష్, ఆర్. ప్రజ్ఞానానంద, అర్జున్ ఇరిగైసి, విదిత్ గుజరాతీ, పెంటేల హరికృష్ణ, శ్రీనాథ్ నారాయణన్ ఉన్నారు.
బుడాపెస్ట్‌ వేదికగా చెస్ ఒలింపియాడ్ ఫైనల్ లో భారత పురుషుల జట్టు స్లోవేనియాతో తలపడి గెలిచింది. అర్జున్ ఇరిగైసి, డి.గుకేష్ తమ తమ మ్యాచ్‌లలో నెగ్గడంతో బంగారు పతకం ఖాయమైంది. వీరిద్దరు తమ రౌండ్-11లో అద్భుతమైన విజయాలు నమోదు చేసి భారత్‌కు గోల్డ్ మెడల్ తీసుకొచ్చారు.
ఓపెన్ కేటగిరిలో చైనా రెండో స్థానానికి పడిపోయింది. అమెరికాపై రెండు బోర్డులపై పాయింట్లు కోల్పోవడంతో చైనాకు రెండో స్థానానికి పరిమితమైంది. గత ఎడిషన్‌లో భారత్ శుభారంభం చేసినప్పటికీ పతకం దక్కలేదు.
భారత్ వేదికగా జరిగిన 2022లో జరిగిన చెస్ ఒలింపియాడ్‌లో కాంస్య పతకం దక్కింది. 2014లో కూడా కాంస్యమే దక్కింది.
