ఆంధ్రప్రదేశ్‌లో టీచర్స్ ఎలిజిబిలిటీ టెస్ట్ (ఎపిటెట్) పరీక్ష నిర్వహణకు రాష్ట్ర విద్యాశాఖ అన్ని ఏర్పాట్లూ పూర్తి చేసింది. అక్టోబర్ 3 నుంచి జరగనున్న టెట్ పరీక్షల హాల్‌టికెట్లను విడుదల చేసారు. అభ్యర్ధులు తమ హాల్‌టికెట్‌ను టెట్ అధికారిక వెబ్‌సైట్‌ https://aptet.apcfss.in నుంచి డౌన్‌లోడ్ చేసుకోవాలి. వెబ్‌సైట్‌లో అభ్యర్ధి తన ఐడీ, పుట్టినతేదీ, వెరిఫికేషన్ కోడ్‌ నింపి హాల్‌టికెట్ దింపుకోవచ్చు.
టెట్ పరీక్షలు అక్టోబర్ 3 నుంచి 20వ తేదీ వరకూ జరుగుతాయి. ఆ పరీక్షకు రాష్ట్రవ్యాప్తంగా 4.27లక్షల మంది దరఖాస్తు చేసుకున్నారు. డిఎస్‌సి ఉద్యోగాల భర్తీలో టెట్‌కు 20శాతం వెయిటేజి ఉంది. దాంతో టెట్ పరీక్షకు విపరీతమైన పోటీ ఉంది.
