ప్రముఖ కొరియోగ్రాఫర్ జానీ మాస్టర్‌ను పోలీసులు గోవాలో అరెస్ట్ చేసి హైదరాబాద్ తరలించారు. రహస్య ప్రదేశంలో విచారణ జరుపుతున్నారు. తనపై ఎనిమిదేళ్లుగా లైంగిక దాడి చేస్తున్నాడంటూ ఓ డాన్సర్ ఇచ్చిన ఫిర్యాదు మేరకు నార్సింగి పోలీసులు కేసు నమోదు చేశారు. ఐదు బృందాలు గాలించి జానీ మాస్టర్‌ను గోవాలో అరెస్ట్ చేశారు.
తన వద్దే పనిచేస్తోన్న అసిస్టెంట్ కొరియోగ్రాఫర్ ఇచ్చిన ఫిర్యాదు మేరకు జానీ మాస్టర్ ఆలియాస్ షేక్ జానీ బాషాపై కేసు నమోదైంది. మొదటిసారి లైంగిక దాడి చేసిన సమయంలో బాధితురాలు మైనర్ కావడంతో, జానీపై ఫాక్సో కింద కేసు నమోదు చేశారు. పోలీసుల విచారణ అనంతరం జానీ మాస్టర్‌ను ఉప్పరపల్లి కోర్టులో హాజరుపర్చనున్నారు.
