లైంగిక దాడి ఆరోపణలు ఎదుర్కొంటోన్న టాలీవుడ్ కొరియోగ్రాఫర్‌ను తెలంగాణ ఎస్‌ఓటీ పోలీసులు బెంగళూరులో అరెస్ట్ చాశారు. ఓ డాన్సర్ ఇచ్చిన ఫిర్యాదు మేరకు జానీ మాస్టర్‌పై పోలీసులు ఫోక్సో కింద కేసు నమోదు చేశారు. నార్సింగి పోలీసులు గత రెండు రోజులుగా జానీ మాస్టర్ కోసం గాలిస్తున్నారు. ఎట్టకేలకు జానీ మాస్టర్ బెంగళూరులో పోలీసులకు పట్టుబడ్డాడు.
తనను జానీ మాస్టర్ పలు మార్లు లైంగిక దాడి చేశాడంటూ ఓ డాన్సర్ ఫిర్యాదు చేయడంతో అతనిపై కేసు నమోదైంది. డాన్సర్‌పై మొదటిసారి లైంగిక దాడి జరిగినప్పుడు ఆమె మైనర్ కావడంతో ఫోక్సో కింద కేసు నమోదు చేశారు. పోలీసులు జానీ మాస్టర్‌ను హైదరాబాద్ తరలిస్తున్నారు. రేపు కోర్టులో హాజరుపరిచే అవకాశముందని తెలుస్తోంది.
