ప్రధాని నరేంద్ర మోదీ అధికారిక నివాసమైన ‘7 లోక్ కళ్యాణ్ మార్గ్’ లో ప్రత్యేక అతిథి సందడి చేస్తోంది. ఈ విషయాన్ని ప్రధానినే స్వయంగా సోషల్ మీడియాలో పంచుకున్నారు. అందుకు సంబంధించిన ఫొటోలు, వీడియోలును సోషల్ మీడియా ద్వారా ఇతరులతో పంచుకున్నారు.
ప్రధానమంత్రి నివాసంలోని గోమాత, నుదిటిపై జ్యోతి గుర్తు ఉన్న ఓ దూడకు జన్మనిచ్చింది. అరుదైన సందర్భాల్లోనే ఇలా జరుగుతుంది. ఆ దూడకు ‘దీప్‌జ్యోతి’ అని మోదీ పేరు పెట్టారు.
ప్రధాని మోదీతో ఎంతో సన్నిహితంగా మెలుగుతున్న ఆ దూడ చాలా ముద్దుగా ఉంది. 7 లోక్ కళ్యాణ్ మార్గ్ లో చిందులు తొక్కుతోంది. మోదీని చూసి చిందులు తొక్కడంతో పాటు ఆయనతో పాటు పూజ గదిలోకి కూడా వెళుతోంది. ప్రధానితో ఆటలాడుతూ ఆయన ఒడిలో సేద తీరుతుంది. అందుకు సంబంధించిన వీడియోను ప్రధాని మోదీ షేర్‌ చేశారు.
‘మన శాస్త్రాల్లో చెప్పినట్లు గోమాత మనకు సర్వసుఖాలు అందిస్తుంది. ప్రధానమంత్రి కుటుంబంలోకి కొత్త సభ్యురాలు అడుగుపెట్టింది. ప్రత్యేక అతిథికి ‘ దీప్ జ్యోతి’ అని పెట్టాం అని ఎక్స్ వేదికగా మోదీ వెల్లడించారు.
