చిత్తూరు జిల్లాలో విషాద ఘటన చోటుచేసుకుంది. రెండు లారీలను బస్సు ఢీకొట్టిన ఘటన ఎనిమిది మంది మృతి చెందారు. మరో 30 మంది తీవ్రంగా గాయపడ్డారు. మృతుల సంఖ్య మరింత పెరిగే అవకాశముందని స్థానికులు చెబుతున్నారు.
ప్రయాణీకులతో తిరుపతి నుంచి బెంగళూరు వెళుతున్న బస్సు మొగలి ఘాట్ వద్ద లారీలను ఢీకొట్టింది. దీంతో 8 మంది అక్కడికక్కడే ప్రాణాలు కోల్పోయారు. గాయపడిన వారిని చికిత్స నిమిత్తం పలమనేరు ప్రభుత్వ ఆసుపత్రికి తరలించారు.
ప్రమాదం కారణంగా ఆ మార్గంలో పెద్ద సంఖ్యలో వాహనాలు నిలిచిపోయాయి. దీంతో పోలీసులు ట్రాఫిక్ ను క్లియర్ చేస్తున్నారు.
