తిరుపతి జిల్లాలో దారుణం జరిగింది. కంటైనర్ లారీ అదుపుతప్పి కారును ఢీకొట్టిన ఘటనలో నలుగురు ప్రాణాలు కోల్పోయారు. మరో ఇద్దరికి గాయాలయ్యాయి. చంద్రగిరి మండలం భాకరాపేట కనుమ రహదారిలో ఈ ప్రమాదం చోటుచేసుకుంది.
కనుమదారిలో వస్తున్న కంటైనర్ లారీ అదుపుతప్పి కారు, బైకును ఢీకొట్టింది. అనంతరం కారుపై కంటైనర్ పడిపోయింది. కారులోని నలుగురు ప్రాణాలు కోల్పోయారు. ఈ ప్రమాదంలో మరో ఇద్దరికి గాయాలు అయ్యాయి. సమాచారం అందుకున్న పోలీసులు ఘటనాస్థలికి చేరుకుని సహాయక చర్యలు చేపట్టారు. కారులోని ఓ యువకుడు తనను కాపాడాలంటూ వేడుకుంటున్న దృశ్యాలు తీవ్రంగా కలచివేశాయి.
