ప్రధాని మోదీ దిల్లీలోని భారత ప్రధాన న్యాయమూర్తి డీవై చంద్రచూడ్ నివాసంలో జరిగిన గణపతి పూజలో పాల్గొన్నారు.
తమ ఇంటికి వచ్చిన ప్రధానికి సీజేఐ జ‌స్టిస్ చంద్రచూడ్, ఆయ‌న భార్య క‌ల్ప‌నాదాస్ సాద‌ర స్వాగ‌తం ప‌లికారు. మోదీ విఘ్నేశ్వ‌రుడికి పూజలు నిర్వహించారు. ప్రధాని మోదీ మ‌హారాష్ట్ర సంప్ర‌దాయ టోపీ, కుర్తాపైజామా ధరించి పూజలో పాల్గొన్నారు .
సీజేఐ నివాసంలో జరిగిన గణపతి పూజలో పాల్గొని ప్రత్యేక పూజలు చేసిన విషయాన్ని సోషల్ మీడియా వేదిగా ప్రధానిమోదీ పంచుకున్నారు. అందుకు సంబంధించిన వీడియోలు, ఫొటోలు షేర్ చేశారు. విఘ్నేశ్వరుడు మనందరికీ ఆనందం, శ్రేయస్సు, ఆరోగ్యాన్ని అనుగ్రహించాలని ప్రార్థించినట్లు ట్వీట్ చేశారు.
