ప్రపంచంలో అత్యుత్తమ దేశంగా ‘స్విట్జర్లాండ్’ మరోసారి తన స్థానాన్ని నిలుపుకుంది. అత్యుత్తమ ర్యాంకింగ్స్ లో వరుసగా మూడోసారి అగ్రస్థానాన్ని కైవసం చేసుకుంది.
అందమైన పర్యాటక ప్రాంతాలకు తోడు జీవన ప్రమాణం, నాణ్యత, సంస్కృతి ఆధారంగా స్విట్జర్లాండ్ మొదటి స్థానంలో నిలిచింది. ఈ విషయాన్ని అమెరికాకు చెందిన న్యూస్ అండ్ వరల్డ్ రిపోర్ట్ సంస్థ వెల్లడించింది. 89 దేశాల తాజా ర్యాంకింగ్స్ ను విడుదల చేసింది.
వరుసగా మూడు సార్లు అగ్రస్థానంలో నిలిచిన స్విట్జర్లాండ్, మొత్తంగా ఏడుసార్లు ఈ జాబితాలో టాప్ లో నిలిచింది. జీవన నాణ్యత, వ్యాపార అవకాశాల స్విట్జర్లాండ్ ఉన్నత స్థానంలో, వారసత్వ రంగంలో అట్టడుగున ఉంది.
రెండో స్థానంలో జపాన్ ఉండగా ఆ తర్వాతి స్థానాల్లో, అమెరికా, కెనడా, ఆస్టేలియా దేశాలు నిలిచాయి. టాప్ 25లో ఐరోపా దేశాలు ఉండగా.. భారతదేశానికి 33వ ర్యాంకు దక్కింది. గతేడాదితో పోలిస్తే 3 స్థానాలు దిగజారి 33 స్థానంలో భారత్ ఉంది.
