గంజాయి స్మగ్లర్లు పేట్రేగిపోయారు. తనిఖీలు చేస్తోన్న పోలీసుపైనే తుపాకీతో కాల్పులు జరిపారు. ఈ ఘటన హైదరాబాద్ రాజేంద్రనగర్‌లో చోటుచేసుకుంది. పోలీసులు ఓ కారును ఆపి తనిఖీలు చేయగా అందులో 200 కేజీల గంజాయి లభ్యమైంది. నిందితులను అరెస్టు చేసే క్రమంలో వారు తుపాకీతో కాల్పులు జరిపారు. గాలిలోకి కాల్పులు జరిపి పారిపోయే ప్రయత్నం చేశారు. పోలీసులు కూడా తుపాకీలు తీసి వెంటపడి పట్టుకున్నారు.
ఏపీ నుంచి హైదరాబాద్ గంజాయి తరలించినట్లు పోలీసులు గుర్తించారు. నిందితులను అరెస్ట్ చేశారు. వరదల సమయంలో పోలీసుల నిఘా తక్కువగా ఉంటుందనే ఉద్దేశంతోనే పెద్ద ఎత్తున కారులో గంజాయి తరలించినట్లు గుర్తించారు. కేసు నమోదు చేసి దర్యాప్తు చేస్తున్నారు.
