ఆర్జి కర్ ఆసుపత్రి ఘటన మరవక ముందే వరుస ఘటనలు ఆందోళన కలిగిస్తున్నాయి. తాజాగా కోల్‌కతాలోని ఓ స్టార్ హోటళ్లో తమపై అనుచితంగా ప్రవర్తించారంటూ ఓ మహిళ ఫిర్యాదు చేసింది. వెంటనే పోలీసులు చేరుకుని ఢిల్లీకి చెందిన అరుణ్ కుమార్, రింకూ గుప్తాలను అరెస్ట్ చేశారు. తమ దగ్గరకు ఇద్దరు వ్యక్తులు వచ్చి అనుచితంగా తాకడంతోపాటు లైంగిక వేధింపులకు పాల్పడే ప్రయత్నం చేశారని మహిళ ఇచ్చిన ఫిర్యాదు మేరకు పోలీసులు కేసు నమోదు చేశారు.
అమృత్‌సర్‌లో మరో ఘటన కలకలం రేపింది. విధులు ముగించుకుని ఇంటికి వెళుతోన్న ఓ వైద్యురాలిపై దుండగులు లైంగిక వేధింపులకు పాల్పడ్డాడు. బైకుపై వచ్చిన దుండగుడు తనను అసభ్యంగా తాకాడని, కేకలు వేయడంతో బ్యాగు గుంజుకుని పరారయ్యాడని బాధితురాలు పోలీసులకు ఫిర్యాదు చేశారు. పోలీసులు కేసు నమోదు చేశారు. సీసీ టీవీ పుటేజీ ఆధారంగా నిందితుడి కోసం వేట సాగిస్తున్నారు.
