రష్యా ఉక్రెయిన్ మధ్య బీభర పోరు కొనసాగుతోంది. ఉక్రెయిన్ 158 డ్రోన్లతో ఆదివారం రష్యాపై విరుచుకుపడింది. మాస్కో సమీపంలోని ప్రాంతాలపై ఉక్రెయిన్ దాడులు చేసింది. ఉక్రెయిన్ డ్రోన్లను కూల్చివేసినట్లు రష్యా సైన్యం ప్రకటించింది. గతంలో రష్యా సరిహద్దుల్లో మాత్రమే డ్రోన్లతో దాడులు చేసిన ఉక్రెయిన్, తాజాగా మాస్కో సమీపంలోనూ డ్రోన్లతో విరుచుకుపడింది.
మరోవైపు ఉక్రెయిన్‌పై రష్యా క్షిపణి దాడులకు దిగింది. కీవ్ పట్టణంలోని పలు ప్రాంతాలపై క్షిపణులు కురిపించింది. మరోవైపు డ్రోన్లతోనూ దాడులు కొనసాగిస్తోంది. రష్యా దాడులను సమర్థంగా తిప్పికొట్టినట్లు ఉక్రెయిన్ ప్రకటించింది. రష్యా దాడుల్లో ఓ వ్యక్తి తీవ్రంగా గాయపడ్డారు. రష్యా దాడులకు ప్రతిదాడులు తప్పవని ఉక్రెయిన్ హెచ్చరించింది.
