పారాలింపిక్స్-2024 సందడి మొదలైంది. పారిస్ లో ప్రారంభోత్సవ వేడుకలు రంగరంగ వైభవంగా జరిగాయి. ఫ్రాన్స్ సంస్కృతి, సంప్రదాయాలు ప్రతిబింబించేలా వేడుకలు నిర్వహించారు. ప్రారంభోత్సవంలో 167 దేశాలకు చెందిన మొత్తం 4,400 మంది పారాలింపియన్లు పాల్గొన్నారు. చాంప్స్-ఎలీసీస్ నుంచి ప్లేస్ డీ లా కాంకోర్డ్ మైదానం వరకు క్రీడాకారులు కవాతు నిర్వహించారు.
భారత్ బృందానికి సుమిత్ యాంటిల్, భాగ్యశ్రీ జాదవ్ నాయకత్వం వహించగా 12 విభిన్న క్రీడలలో 84 మంది అథ్లెట్లు ఈసారి భారత్ తరపున ప్రాతినిధ్యం వహించనున్నారు. ఒలింపిక్స్‌లో ఇంతపెద్ద సంఖ్యలో భారత పారా అథ్లెట్లు పాల్గొనడం ఇదే తొలిసారి.
