ఏపీ ప్రభుత్వం కీలక నిర్ణయం : ప్రజలకు అందుబాటులో జీవోలు

ఆంధ్రప్రదేశ్ లో ప్రభుత్వ జీవోలు మళ్ళీ అందుబాటులోకి రానున్నాయి. ఈ మేరకు కూటమి ప్రభుత్వం నిర్ణయం తీసుకుంది. జీవోఐఆర్ వెబ్‌సైట్ ను పునరుద్ధరిస్తూ ప్రభుత్వం తాజాగా  ఉత్తర్వులు జారీ చేసింది.  ప్రభుత్వ ప్రధాన కార్యదర్శి  నీరబ్ కుమార్ ప్రసాద్  ఈ మేరకు ఉత్తర్వులు జారీ చేశారు.

ఇక నుంచి ప్రభుత్వ శాఖలు అన్ని ఉత్తర్వులను జీవోఐఆర్ వెబ్ సైట్ లో అప్ లోడ్ చేయాలని సాధారణ పరిపాలన శాఖ  అధికారులకు స్పష్టం చేసింది. ఈ నెల 29 నుంచి అన్ని శాఖల జీవోలు వెబ్ సైట్ లో అప్ లోడ్ చేయాలని తేల్చి చెప్పింది.  
 
2021 ఆగస్టు 15 నుంచి గత వైసీపీ ప్రభుత్వం జీవోఐఆర్ ను నిలిపివేసింది.