శ్రీ కృష్ణాష్టమి సందర్భంగా మధుర మీనాక్షి దేవాలయానికి వెళ్లిన నటి నమితకు పరాభవం ఎదురైంది. ఆలయంలోకి వెళ్లకుండా తనను అడ్డుకున్నారని, తన సర్టిఫికెట్లు చూపించాలంటూ ఆలయ సిబ్బంది, దర్శనానికి వెళ్లకుండా అడ్డుకున్నారంటూ నమిత ( actress namita) ఆరోపించారు. దేశంలోని అనేక ప్రసిద్ధ దేవాలయాల దర్శనం చేసుకున్నానని, ఎక్కడా తనను ఆలయ సిబ్బంది ఆపలేదని గుర్తుచేశారు. తనను అడ్డుకున్న వారిపై చర్యలు తీసుకోవాలని నమిత డిమాండ్ చేశారు.
నటి నమితను తాము అడ్డుకోలేదని ఆలయ సిబ్బంది చెబుతున్నారు. నమితకు దేవాలయంలో ప్రవేశంపై ఉన్నతాధికారులతో మాట్లాడటానికి కొద్ది సమయం, ఆమెను ఆగమని చెప్పామని ఆలయ సిబ్బంది చెప్పారు. ఉన్నతాధికారులతో మాట్లాడిన తరవాత ఆమెను ఆలయంలోకి అనుమతించినట్లు ఆలయ సిబ్బంది స్పష్టం చేశారు.
