గ్రూప్- 1 మెయిన్ పరీక్షలు వాయిదా వేస్తున్నట్లు ఏపీపీఎస్‌సీ వెల్లడించింది. తొలుత నిర్ణయించిన షెడ్యూల్ మేరకు సెప్టెంబర్ 2 నుంచి 9 వరకు పరీక్షలు జరగాల్సి ఉంది. కానీ, అభ్యర్ధుల నుంచి వచ్చిన వినతలు మేరకు పరీక్షలు వాయిదా వేసినట్లు ఏపీపీఎస్‌సీ కార్యదర్శి ప్రదీప్ కుమార్ తెలిపారు. సవరించిన షెడ్యూల్ ను త్వరలోనే విడుదల చేయనున్నట్లు ఓ ప్రకటనలో వివరించారు.
ఆంధ్రప్రదేశ్ లో మొత్తం 81 గ్రూపు- 1 పోస్టుల భర్తీకి గానూ మార్చి 17న ప్రిలిమ్స్ పరీక్ష నిర్వహించారు. ఈ పరీక్షలకు మొత్తం 1,48,881 మంది దరఖాస్తులు చేసుకోగా 4,496 మంది మెయిన్స్ కు అర్హత సాధించారు.
