తిరుమల శ్రీ వేంకటేశ్వర స్వామి ఆలయంలో నిర్వహించే  నహహ్నిక సాలకట్ల బ్రహ్మోత్సవాల తేదీలను  టీటీడీ వెల్లడించింది. శ్రీవారి ఆలయంలో అక్టోబర్ 4 నుంచి 12 వరకు  బ్రహ్మోత్సవాలు వైభవంగా నిర్వహించనున్నారు. అక్టోబర్ 3న సాయంత్రం అంకురార్పణతో సాలకట్ల బ్రహ్మోత్సవాలు ప్రారంభం అవుతాయి. బ్రహ్మోత్సవాల్లో భాగంగా ప్రతీ రోజు ఉదయం 8 గంటల నుంచి 10 గంటల వరకూ, సాయంత్రం 7 గంటల నుంచి  9 గంటల వరకూ స్వామివారికి  వాహన సేవ నిర్వహించనున్నారు.

అక్టోబర్ 4న సాయంత్రం 5.45 గంటల నుంచి 6 గంటల వరకూ ధ్వజారోహణం, రాత్రి 9 గంటలకు పెద్ద శేష వాహనం  సేవ నిర్వహించనున్నారు. రెండోరోజు (5-10.2024 ) ఉదయం 8 గంటలకు చిన్న శేషవాహనం, మధ్యాహ్నం 1 గంట నుంచి 3 గంటల వరకూ స్నపనం, రాత్రి 7 గంటలకు హంస వాహనం సేవ నిర్వహించనున్నారు. ఉత్సవాల్లో మూడో రోజు అంటే 6-10.2024 న ఉదయం సింహ వాహనం, మధ్యాహ్నం 1 గంట నుంచి 3 గంటల వరకూ స్నపనం, రాత్రి 7 గంటలకు ముత్యపు పందిరి వాహనం సేవ జరుపుతారు. నాల్గోరోజున (7-10.2024) ఉదయం 8 గంటలకు కల్ప వృక్షం వాహనం, మధ్యాహ్నం 1 గంట నుంచి 3 గంటల వరకూ స్నపనం, రాత్రి 7 గంటలకు సర్వభూపాల వాహనం సేవ నిర్వహిస్తారు. ఐదో రోజు అంటే 8-10.2024 నాడు ఉదయం 8 గంటలకు మోహినీ అవతారం, సాయంత్రం 6.30 గంటల నుంచి రాత్రి 11.30 గంటల వరకూ గరుడ వాహనం సేవ నిర్వహించనున్నారు. ఇక 9-10.2024 నాడు  ఉదయం 8 గంటలకు హనుమంత వాహనం, సాయంత్రం 4 గంటల నుంచి స్వర్ణరథం, రాత్రి 7 గంటలకు గజ వాహనం సేవ, 10-10.2024 నాడు  ఉదయం 8 గంటలకు సూర్య ప్రభ వాహనం, రాత్రి 7 గంటలకు చంద్రప్రభ వాహనం జరుపుతారు.
అక్టోబర్ 11న  ఉదయం 7 గంటలకు రధోత్సవం, రాత్రి 7 గంటలకు అశ్వవాహనం, అక్టోబర్ 12న  ఉదయం 6 గంటల నుంచి 9 గంటల వరకూ చక్ర స్నానం, రాత్రి 8.30 గంటల నుంచి10.30 గంటల వరకూ ధ్వజావరోహణం సేవ నిర్వహించనున్నారు.