కర్ణాటకలో దారుణం చోటుచేసుకుంది. అందంగా ముస్తాబవుతోందని ఓ కసాయి భర్త భార్య చంపేశాడు. ఈ ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం. కర్ణాటక రామనగర జిల్లా మగడి గ్రామానికి చెందిన దివ్య, ఉమేశ్‌కు ఏడేళ్ల కిందట వివాహం జరిగింది. దివ్య ప్రతి రోజూ అందంగా తయారవడం ఉమేశ్‌కు నచ్చలేదు. దివ్య రోజూ లిప్‌స్టిక్ రాసుకుంటోంది. ఓ టాటూ కూడా వేయించుకుంది. దీనిపై ఇద్దరూ మధ్యా గొడవలు జరిగాయి. దివ్య, ఉమేశ్ మాగడి కోర్టులో విడాకుల కేసు వేసుకున్నారు.
కేసు విచారణ సందర్భంగా కోర్టుకు వచ్చిన దివ్యను ఇక నుంచి వేధించనంటూ నమ్మబలికిన ఉమేశ్, ఆమెను ఇంటికి తీసుకెళ్లాడు. ఆ తరవాత సమీపంలోని దేవాలయానికి వెళదామంటూ నమ్మబలికాడు. ఇద్దరూ సమీపంలోని ఊజగల్లు దేవాలయానికి వెళ్లారు. అక్కడ నుంచి సమీప అడవిలోకి తీసుకెళ్లిన ఉమేశ్, అప్పటికే అక్కడ నలుగురు స్నేహితులను సిద్దంగా ఉంచాడు. అందరూ కలసి దివ్యను కడతేర్చారు. దివ్య మృతదేహాన్ని (andhratoday crime report) చీలూరు అడవిలో పడేశారు. పశువుల కాపరుల సమాచారంతో పోలీసులు రంగంలోకి దిగారు. కేసు నమోదు చేసి ముగ్గురు నిందితులను అరెస్ట్ చేశారు. దివ్య భర్త ఉమేశ్, మరో నిందితుడు పరారీలో ఉన్నారు.
