స్వాతంత్య్ర దినోత్సవం సందర్భంగా పోలీసు,ఫైర్‌ సర్వీస్‌,హోంగార్డ్‌, సివిల్‌ డిఫెన్స్‌ అధికారులకు వివిధ పోలీసు పతకాలను కేంద్ర హోంశాఖ ప్రకటించింది. స్వాతంత్య్ర, గణతంత్ర దినోత్సవాల సందర్భంగా ప్రతీ ఏటా రెండు మార్లు ఈ పురస్కారాలను కేంద్రప్రభుత్వ అందజేస్తోంది.
దేశవ్యాప్తంగా 1,037 మందికి గ్యాలంట్రీ/సర్వీసు పతకాలను అందజేయనుంది. ఈ మేరకు అవార్డుల జాబితాను కేంద్ర హోంశాఖ విడుదల చేసింది.గ్యాలంట్రీలో 213 మెడల్స్‌, పీఎంజీలో 1 మెడల్‌, 94 మందికి పీఎస్‌ఎం మెడల్స్‌, 729 మందికి ఎంఎస్‌ఎం మెడల్స్‌ అందజేయనుంది.
గ్యాలంట్రీలో ఆంధ్రప్రదేశ్‌ కు నాలుగు , తెలంగాణకు 7 మెడల్స్‌ దక్కాయి. ఎంఎస్‌ఎం విభాగంలో ఏపీకి 19, తెలంగాణకు 11 మెడల్స్‌ వచ్చాయి.
