తిరుమల తిరుపతి దేవస్థానం లో ఆగస్టు 10(శనివారం ) రోజుకు సంబంధించిన మొత్తం 250 అంగ ప్రదక్షిణ టోకెన్‌లను, నేడు మధ్యాహ్నం 12 గంటలకు ఆన్‌లైన్‌లో విడుదల చేయనున్నారు. ఈ విషయాన్ని టీటీడీ అధికారికంగా వెల్లడించింది.
ఇక తిరుపతిలోని శ్రీ గోవిందరాజస్వామివారి ఆలయంలో ఆగస్టు 16న తులసి మహత్యం ఉత్సవం ఘనంగా నిర్వహించనున్నారు. స్వామివారికి తులసి దళం అత్యంత ప్రీతికరమైనదిగా వేదాలు పేర్కొన్నాయి. శ్రావణ శుద్ధ ద్వాదశినాడు తులసి అమ్మవారు ఆవిర్భావం జరిగిన రోజుగా జరుపుకుంటారు. ఈ సందర్భాన్ని పురస్కరించుకుని ఆలయంలో ప్రత్యేక కార్యక్రమాలు నిర్వహించడం అనవాయితీగా వస్తోంది..
ఈ ఉత్సవంలో భాగంగా ఉదయం 7.30 నుంచి 9 గంటల వరకు శ్రీ గోవిందరాజస్వామి వారు గరుడ వాహనాన్ని అధిరోహించి భక్తులను అనుగ్రహిస్తారు.
ఉదయం 9 నుండి 10 గంటల వరకు స్వామివారి ఆస్థానం ఘనంగా నిర్వహించి అర్చకులు తులసి మహత్యం పురాణ పఠనం చేస్తారు.
