పాకిస్తాన్ నుంచి భారత్ లో చొరబడేందుకు యత్నించిన ఉగ్రవాదులను భద్రతా దళాలు అడ్డుకున్నాయి. జమ్ముకశ్మీర్ ప్రాంతంలోని బట్టాల్ సెక్టార్‌లోకి చొరబడేందుకు ముష్కరులు యత్నించగా భారత ఆర్మీ ప్రతిఘటన తెలిపింది. ఈ సందర్భంగా జరిగిన కాల్పుల్లో ఓ భారత జవాను తీవ్రంగా గాయపడ్డారు. సంఘటనా స్థలంలో గాలింపు చర్యలు ఇంకా కొనసాగుతున్నాయి.
దట్టమైన పొగమంచు కారణంగా వెలుగులేనప్పటికీ ఆర్మీ సెర్చ్ ఆపరేషన్ ను సమర్ధంగా నిర్వహిస్తోంది. కొంతమంది ఉగ్రవాదులు దేశంలోకి చొరబడుతున్నారని సమాచారం అందగానే ఆర్మీ అప్రమత్తమైంది. తెల్లవారు జామున మూడుగంటల సమయంలో చొరబాటు యత్నాలను అడ్డుకుంది. ఈ సందర్భంగా భారత ఆర్మీ, పాకిస్తాన్ ప్రేరిపిత ఉగ్రవాదుల మధ్య కాల్పులు జరిగాయి.
