ఫ్రాంక్ రీల్స్ వీడియోల మోజులో యువత ప్రాణాల మీదకు తెచ్చుకుంటున్నారు. తాజాగా మధ్యప్రదేశ్‌కు చెందిన 11 సంవత్సరాల బాలుడు ఫ్రాంక్ వీడియో చేస్తూ ప్రాణాలు కోల్పోయాడు. పోలీసులు తెలిపిన సమాచారం మేరకు…
మధ్యప్రదేశ్ మొరినా జిల్లాకు చెందిన కరణ్ శనివారం వారి ఇంటి సమీపంలో ఓ చెట్టుకు ఉరివేసుకుని గిలగిల కొట్టుకుంటున్నట్లు ఫ్రాంక్ వీడియో చేసే ప్రయత్నంలో ప్రాణాలు కోల్పోయాడు. పక్కనే ఉన్న స్నేహితులు ఉరి బిగుసుకుని కరణ్ విలవిలలాడుతున్నా…అదంతా ఫ్రాంక్ అని భావించారు. తరవాత కరణ్ కదలకపోవడంతో కుటుంబ సభ్యులకు సమాచారం అందించారు. వారు కరణ్‌ను సమీపంలోని ఆసుపత్రికి తరలించారు. అప్పటికే కరణ్ ప్రాణాలు కోల్పోయినట్లు డాక్టర్లు నిర్థారించారు.
