చైనాలో వరదలు, వంతెన కూలి 11 మంది మృతి

చైనాలో ఎడతెరిపిలేని వానలు పడుతున్నాయి. దీంతో లోతట్టు ప్రాంతాలను వరదలు ముంచెత్తుతుండగా, ఓ వంతెన కూలిపోయింది. ఈ ఘటనలో 11 మంది ప్రాణాలు కోల్పోయారు.

ఉత్తర చైనాలోని షాంగ్సీ ప్రావిన్స్‌లో ని షాంగ్లూలో, శుక్రవారం రాత్రి కుండపోత వానకురిసింది. దీంతో వంతనె కూలింది. ప్రమాద సమయంలో వంతెనపై రాకపోకలు సాగిస్తున్న వారు నీటిలో పడిపోయారు. సహాయ సిబ్బంది వెంటనే రంగంలోకి వాహనాలను బయటకు తీశారు.
జూలై 16 నుంచి ఉత్తర, మధ్య చైనాలోని పెద్ద ప్రాంతాలలో వర్షాలు కురుస్తుండగా ఈ ప్రాంతాలలో గణనీయమైన నష్టం వాటిల్లింది. బావోజీ లో వర్షం కారణంగా కొండచరియలు విరిగిపడుతున్నాయి. దీంతో ఐదుగురు మృతిచెందగా, ఎనిమిది మంది గల్లంతు అయ్యారు.