ఎంపీడీవో రమణారావు మిస్సింగ్‌పై పోలీసులు ముమ్మర గాలింపు చేపట్టారు. నరసాపురం ఎంపీడీవో విజయవాడ మధురవాడలో నివాసం ఉంటున్నారు. మూడు రోజుల కిందట కుటుంబ సభ్యులకు మెసేజ్ పెట్టి కనిపించకుండా పోయారు. కుటుంబ సభ్యులు పోలీసులకు ఫిర్యాదు చేయడంతో వారు గాలింపు చేపట్టారు. రమణారావు ఫోన్ సిగ్నల్ చివరిసారిగా బుధవారం రాత్రి మధురానగర్ ఏలూరు కాలువ వద్ద కట్ అయ్యాయని పోలీసులు గుర్తించారు. కుటుంబ సభ్యులకు మెసేజ్ పెట్టి రమణారావు కాలువలో దూకి ఉండవచ్చని పోలీసులు అనుమానిస్తున్నారు. ఎన్డీఆర్‌ఎఫ్ సహకారంతో కాలువలో గాలింపు చేపట్టారు.
రమణారావు మిస్సింగ్ వ్యవహారం రాజకీయ రంగు పులుముకుంటోంది. నరసాపురం మండలంలో ఓ ఫంటు కాంట్రాక్టుకు సంబంధించి పెద్ద మొత్తం గోల్ మాల్ చోటు చేసుకోవడం, అది ఎండీవో చెల్లించాల్సి వస్తుందనే అనుమానాలతో రమణారావు ఆత్మహత్యకు పాల్పడి ఉండవచ్చని అనుమానిస్తున్నారు.
