ఆంధ్రప్రదేశ్ లోని ఎన్టీఆర్ జిల్లాలో విషాద ఘటన చోటుచేసుకుంది. ఓ క్వారీలో కార్మికులపైన బండరాళ్ళు పడటంతో ముగ్గురు ప్రాణాలు కోల్పోయారు. మరో ముగ్గురి ఆచూకీ తెలియాల్సి ఉంది. కంచికచర్ల మండలం పరిటాల క్వారీలో నేటి మధ్యాహ్నం ఈ ఘోరం జరిగింది.
సమాచారం అందుకున్న వెంటనే సంఘటనా స్థలానికి చేరుకున్న పోలీసులు సహాయ చర్యలు చేపట్టారు.
విధుల్లో భాగంగా డ్రిల్లింగ్ పనులు చేస్తుండగా ఒక్కసారిగా బండరాళ్ళు దొర్లాయి. ప్రమాదంలో ముగ్గురు స్పాట్ లోనే ప్రాణాలు కోల్పోయారు. ఘటనపై కేసు నమోదు చేసిన పోలీసులు, మృతదేహాలను పోస్ట్‌మార్టం నిమిత్తం సమీప ఆసుపత్రికి తరలించారు. మృతులు ముగ్గురూ జి.కొండూరు మండలం చెరువు మాధవరం నివాసులుగా అధికారులు తేల్చారు.
