పొట్టి క్రికెట్ టీ20 నుంచి ప్రముఖ ఆటగాళ్లు విరాట్ కోహ్లీ, రవీంద్ర జడేజా, రోహిత్ శర్మ రిటైర్మెంట్ ప్రకటించిన సంగతి తెలిసిందే. అయితే రోహిత్ శర్మ రెండు ఫార్మాట్ల నుంచి వైదొలగబోతున్నారంటూ వార్తలు వైరల్ అయ్యాయి. దీనిపై రోహిత్ క్లారిటీ ఇచ్చారు. డాలస్‌లో క్రికెట్ అకాడమీ ప్రారంభించిన రోహిత్ శర్మ, మరికొంత కాలం ఆడతానని, తనకు దీర్ఘకాల ప్రణాళికలు ఏమీ లేవని ప్రకటించారు. దీంతో రోహిత్ టీ20లకు మాత్రమే రిటైర్మెంట్ ప్రకటించినట్లు స్పష్టమైంది.
రోహిత్ శర్మ ఇటీవలే 37 ఒడిలో అడుగుపెట్టారు. ఇటీవలే పొట్టి ఫార్మాట్‌కు రిటైర్మెంట్ ప్రకటించారు. ఈ ఏడాది జరగనున్న వరల్డ్ టెస్ట్ ఛాంపియన్‌షిప్‌కు కెప్టెన్‌గా రోహిత్ శర్మను బీసీసీఐ ఇప్పటికే ప్రకటించింది. ఐపీఎల్‌లో రోహిత్ కొనసాగనున్నారు. త్వరలో టీమిండియా జట్టు శ్రీలంక టూర్‌కు వెళ్లనుంది.
