అమెరికా మాజీ అధ్యక్షుడు డొనాల్డ్ ట్రంప్‌పై దుండగుడు కాల్పులకు తెగబడ్డారు. ట్రంప్ కుడి చెవిని బుల్లెట్ తాకింది. దీంతో ఆయనకు రక్తస్రావం అయింది. పెన్సుల్వేనియాలోని బట్లర్ ప్రాంతంలో ప్రచారసభలో డొనాల్డ్ ట్రంప్ ప్రసంగిస్తుండగా ఓ దుండగుడు ఎదురుగా ఉన్న ఎత్తైన భవనంపై నుంచి కాల్పులు జరిపాడు. వెంటనే ట్రంప్ రక్షణ సిబ్బంది అప్రమత్తమయ్యారు. దుండగుడిని అమెరికా సీక్రెట్ ఏజన్సీ బలగాలు మట్టుబెట్టాయి.
అమెరికాలో ఇలాంటి ఘటన జరగడం దురదృష్టకరమని రిపబ్లికన్ పార్టీ నేత ట్రంప్ వ్యాఖానించారు. దుండగుడు ఆరు రౌండ్లు కాల్పులు జరిపినట్లు గుర్తించారు. ఈ ఘటనలో సమావేశానికి హాజరైన మరో పౌరుడు కూడా ప్రాణాలు కోల్పోయాడు. ట్రంప్‌పై కాల్పుల ఘటన లైవ్‌లో ప్రసారం కావడంతో ప్రపంచ వ్యాప్తంగా ప్రసారమైంది. ఈ ఘటనపై మరిన్ని వివరాలు అందాల్సి ఉంది.
