రెండు రికార్డులు సొంతం చేసుకున్న కల్కి హీరో ప్రభాస్

ప్రభాస్ హీరోగా నటించిన కల్కి మూవీ మరో రెండు రికార్డులను సొంతం చేసుకుంది. వెయ్యి కోట్లు వసూలు చేసిన ఏడవ చిత్రంగా కల్కి రికార్డు క్రియేట్ చేసింది. అమెరికాలో 17 మిలియన్లు వసూలు చేసిన రెండో చిత్రంగా కల్కి నిలిచింది.టికెట్ ధరలు తగ్గడంతో చాలా మంది కల్కి మూవీని మరలా చూస్తున్నారని చిత్ర నిర్మాతలు తెలిపారు.

దక్షిణాదిలో వెయ్యి కోట్లు వసూలు చేసిన రెండో చిత్రంగా కల్కి సినిమా నిలిచింది. బాహుబలి 2 రూ.1800 కోట్లు వసూలు చేసి దక్షిణాదిలో అత్యధిక మొత్తం వసూలు చేసిన చిత్రంగా ఉంది. 2016లో వచ్చిన దంగల్ మూవీ రూ.2వేల కోట్లకుపైగా వసూలు చేసి దేశంలోనే ఎక్కువ మొత్తం వసూలు చేసిన మూవీగా రికార్డుల కెక్కింది.వెయ్యి కోట్లకుపైగా రెండు చిత్రాల్లో వసూలు చేసిన హీరోగా ప్రభాస్ నిలిచారు. మరో రెండు వారాల్లో కల్కి మూవీ రూ.1200 కోట్ల మార్కును దాటవచ్చని ట్రేడ్ వర్గాలు అంచనా వేస్తున్నాయి.