ఆంధ్రప్రదేశ్ రాజధాని అమరావతి నుంచి బెంగళూరుకు విమాన ప్రయాణం మరింత సులువుకానుంది.విజయవాడ-బెంగళూరు మధ్య ఎయిర్‌ ఇండియా ఎక్స్‌ప్రెస్‌ డైలీ ఫ్లైట్ నడిపేందుకు సిద్ధమైంది. సెప్టెంబర్‌ ఒకటి నుంచి విజయవాడ-బెంగళూరు మధ్య రాకపోకలు సాగించనుంది.
టికెట్ ధరలు ఎకానమీ క్లాసులో రూ.5వేల వరకు ఉంది. ప్రతీరోజూ సాయంత్రం 4.05 గంటలకు బెంగళూరులో బయల్దేరనున్న ఎయిరిండియా ఎక్స్‌ప్రెస్‌ IX2516 విమానం 5.40 గంటలకు గన్నవరం చేరుకుంటుంది. గన్నవరం నుంచి సాయంత్రం 6.10 గంటలకు బయల్దేరి రాత్రి 7.50 గంటలకు బెంగళూరు చేరుకుంటుంది.
విజయవాడ-ముంబై మధ్య జూన్‌ 15 నుంచి ఎయిరిండియా డైలీ సర్వీస్‌ నడుస్తోంది. రోజూ సాయంత్రం మంబైలో బయల్దేరనున్న ఈ విమానం 5.45 గంటలకు గన్నవరం చేరుకుంటుంది. తిరిగి రాత్రి 7.10కి గన్నవరంలో బయలుదేరి రెండు గంటల్లో ముంబై చేరుకుంటుంది. టికెట్ ప్రారంభ ధరను రూ.5,600గా నిర్ణయించారు.
