జమ్ముకశ్మీర్‌లో ఉగ్రవేట కొనసాగుతోంది. ఆదివారంనాడు నలుగురు ఉగ్రవాదులను మట్టుబెట్టిన సైన్యం, సోమవారం మరో ఇద్దరు ఉగ్రవాదులను కాల్చి చంపారు. జమ్ము కశ్మీర్ కుల్గామ్ జిల్లా మోదర్గామ్ గ్రామంలో ఇద్దరు ఉగ్రవాదులను సైనికులు తాజాగా కాల్చి చంపారు. రెండు రోజులుగా ఈ ప్రాంతంలో ఉగ్రవాదుల కోసం వేట కొనసాగుతోంది. శనివారం నాడు ఫ్రీసల్ చిన్ని గ్రామ్‌లో నలుగురు ఉగ్రవాదులను మట్టుబెట్టారు. అప్పటి నుంచి తప్పించుకున్న ఉగ్రవాదుల కోసం గాలింపు జరుగుతోంది. తాజాగా మరో ఇద్దరు ఉగ్రవాదులను కాల్చి చంపారు.
పాక్ సరిహద్దు రాజౌరి సెక్టార్‌లో ఉగ్రవాదులు కాల్పులకు తెగబడ్డారు. ఉగ్రవాదులు జరిపిన కాల్పుల్లో ఓ జవాన్‌కు గాయాలయ్యాయి. కాల్పులు జరిపి తప్పించుకున్న ఉగ్రవాదుల కోసం సైన్యం వేట మొదలు పెట్టింది. గత కొన్నాళ్లుగా జమ్ము కశ్మీర్‌లో ఉగ్రమూకలు రెచ్చిపోతున్నాయి. సైన్యం అప్రమత్తంగా వ్యవహరించి ఉగ్రమూలాలను పెకలించివేస్తోంది.
