నేరాలను వృత్తిగా మలచుకుని దొంగతనాలకు పాల్పడుతోన్న పార్థీ గ్యాంగ్‌ను హైదరాబాద్ సీసీఎస్ పోలీసులు అరెస్ట్ చేశారు. హైదరాబాద్ అవుటర్‌రింగ్ రోడ్డు అంబర్‌పేట సమీపంలో పార్థీ గ్యాంగ్ కదలికలపై సీసీఎస్ పోలీసులకు అందిన పక్కా సమాచారంతో రంగంలోకి దిగారు. వారిని అదుపులోకి తీసుకునేందుకు ప్రయత్నించగా కత్తులతో దాడులకు దిగారు. పోలీసులు గాల్లోకి కాల్పులు జరిపి పార్థీ ముఠాను అదుపులోకి తీసుకున్నారు.
తరచూ నేరాలకు పాల్పడుతూ, అడ్డువచ్చిన వారిపై కత్తులతో దాడులకు తెగబడుతోన్న పార్థీ గ్యాంగ్ అరాచకాలపై పలు రాష్ట్రాల పోలీసులు ప్రత్యేక నిఘా పెట్టారు. విమానాల్లో నగరాలకు వచ్చి దోపిడీలు చేసుకుని పరారవుతున్న పార్థీ గ్యాంగ్‌ను సీసీఎస్ పోలీసులు అరెస్ట్ చేసి నల్గొండకు తీసుకెళ్లారు. ఈ గ్యాంగ్ అరెస్టుకు సంబంధించి మరిన్ని వివరాలు అందాల్సి ఉంది.
