టీ20 వ‌ర‌ల్డ్‌క‌ప్-2024 ట్రోఫీ గెలిచిన భారత క్రికెట్ టీమ్ ఆటగాళ్ళు నేడు ప్రధాని నరేంద్ర మోదీని మర్యాదపూర్వకంగా కలిశారు. అనంతరం మోదీకి ప్రత్యేక కానుక అందజేశారు. నేటి ఉదయం ఆరు గంటలకు దిల్లీ విమానాశ్రయంలో దిగిన టీమిండియా ఆటగాళ్ళు ఉదయం 11 గంటలకు ప్రధాని మోదీ నివాసాని వెళ్ళి ఆయనతో మాట్లాడారు.
ప్రధానితో క‌లిసి అల్పాహారం చేశారు.ప్ర‌తీ క్రికెట‌ర్ తో అప్యాయంగా మాట్లాడిన ప్రధాని మోదీ, టీ20 వరల్డ్ కప్ ట్రోఫీని గెలుచుకున్నందుకు ప్రత్యేక అభినందనలు తెలిపారు.
ఈ సందర్భంగా ప్రధాని మోదీకి బీసీసీఐ, స్పెషల్ గిఫ్ట్ అందజేసింది. నమో నంబర్ 01 పేరిట ఉన్న ప్రత్యేక టీమిండియా జెర్సీని ఆయ‌న‌కు అందజేసింది. బీసీసీఐ కార్యదర్శి జైషా, అధ్యక్షుడు రోజర్‌ బిన్నీ స్పెషల్ జెర్సీని మోదీకి అందజేశారు.
