లైంగిక ఆరోపణల కేసులో కొడుమూరు మాజీ ఎమ్మెల్యే సుధాకర్‌ను పోలీసులు కాసేపటి కిందట అరెస్ట్ చేశారు. ఇంట్లో పనిచేసే బాలికపై మాజీ ఎమ్మెల్యే జరదొడ్డి సుధాకర్ అసభ్యంగా ప్రవర్తించిన వీడియో ఒకటి వైరల్ కావడంతో పోలీసులు చర్యలు ప్రారంభించారు. కర్నూలు జిల్లా కొడుమూరు వైసీపీ మాజీ ఎమ్మెల్యే జరదొడ్డి సుధాకర్‌ను పోలీసులు అరెస్ట్ చేసి, ఆయనకు వైద్య పరీక్షలు నిర్వహించారు.కాసేపట్లో కోర్టులో ప్రవేశపెట్టే అవకాశముంది.
గతంలోనూ జరదొడ్డి సుధాకర్‌పై లైంగిక వేధింపుల ఆరోపణలు వచ్చాయి. అయితే పోలీసులకు బాధితులు ఫిర్యాదు చేసినా పట్టించుకోలేదు. ఇంట్లో పనిచేసే బాలికతో అసభ్యంగా ప్రవర్తిస్తోన్న వీడియో ఒకటి వైరల్ కావడంతో పోలీసులు కేసు నమోదు చేసి, అరెస్ట్ చేశారు.
