దేశానికి టీ20 ప్రపంచకప్-2024 అందించిన భారతస్టార్ ఆటగాళ్లు రోహిత్‌శర్మ, విరాట్ కోహ్లీ సంచలన నిర్ణయం తీసుకున్నారు. ఫైనల్‌లో భారత్ విజయంలో కీలక పాత్ర పోషించిన కోహ్లీ ‘ప్లేయర్ ఆఫ్ ద మ్యాచ్’ అవార్డు అందుకున్నాడు. కానీ అభిమానులను ఆశ్చర్యపరుస్తూ కోహ్లీ టీ20లకు రిటైర్మెంట్ ప్రకటించాడు. తర్వాతి తరానికి మంచి అవకాశాలు దక్కాలనే ఉద్దేశంతోనే ఈ నిర్ణయం తీసుకున్నట్టు చెప్పాడు. తాము ఏం కోరుకున్నామో అది సాధించామని పేర్కొన్నాడు. రోహిత్ 9 ప్రపంచకప్‌లు ఆడగా, కోహ్లీ ఆరు టోర్నీల్లో ఆడాడు.
కోహ్లీ రిటైర్మెంట్ ప్రకటించిన కొద్దిసేపటికే రోహిత్‌శర్మ కూడా తన నిర్ణయాన్ని వెల్లడించాడు. పొట్టి ఫార్మాట్‌కు వీడ్కోలు చెప్పేందుకు ఇదే సరైన సమయమని భావిస్తున్నట్టు వివరించాడు. టీ20కి రిటైర్మెంట్ ప్రకటిస్తున్నందుకు మాటలు రావడం లేదన్నాడు. ట్రోఫీ గెలవాలనుకున్నానని, గెలిచానని చెప్పాడు.
