దిల్లీ విమానాశ్రయం టెర్మినల్ రూఫ్ కూలిన ఘటన మరవక ముందే గుజ‌రాత్‌లోని రాజ్కోట్ ఎయిర్‌పోర్ట్‌లోనూ అదే తరహా ప్రమాదం జరిగింది.
భారీ వ‌ర్షం దెబ్బకు రాజ్కోట్ ఎయిర్‌పోర్ట్ టెర్మినల్ పైకప్పు శ‌నివారం కూలింది. ప్రయాణికుల పికప్, డ్రాప్ పాయింట్ వద్ద ఈ ప్రమాదం చోటుచేసుకుంది.ఘటనలో ఎవరికీ ఎలాంటి గాయాలు కాలేదు.
దిల్లీ విమానాశ్రయం టెర్మినల్ -1 వద్ద శుక్రవారం పైకప్పు కూలిన ఘటనలో ఒకరు మృతి చెందగా ఆరుగురు తీవ్రంగా గాయపడ్డారు. మ‌ధ్య‌ప్ర‌దేశ్‌లోని జ‌బ‌ల్‌పూర్‌లో దుమ్నా ఎయిర్‌పోర్టులో భారీ వ‌ర్షాల కార‌ణంగా టెర్మినల్ రూప్ ప‌డిపోయింది.
గుజరాత్‌లోనూ భారీ వర్షాలు కురుస్తున్నాయి. ఇప్పటికే వాతావ‌ర‌ణ శాఖ తుఫాన్ హెచ్చరికలు జారీ చేయగ దక్షిణ గుజరాత్‌కు ‘ఎల్లో అలర్ట్’ జారీ చేసింది. మరో ఐదు రోజుల పాటు వర్షాలు కొనసాగుతాయని పేర్కొంది.
