కేంద్ర పాలిత ప్రాంతం లడ్డాక్‌లో ఘోరం జరిగింది. శనివారం తెల్లవారుజామున సైనిక విన్యాసాలు నిర్వహిస్తున్న సమయంలో అకస్మాత్తుగా విరుచుకుపడ్డ వరదల్లో ఐదుగురు జవాన్లు గల్లంతయ్యారు. లడ్డాక్‌లోని న్యోమా చుచల్ ప్రాంతంలో ఈ ప్రమాదం జరిగింది. టీ 72 ట్యాంకర్ సాయంతో శనివారం తెల్లవారుజామున నదిని దాటుతుండగా ఒకసారిగా వరద ముంచెత్తిందని అధికారులు తెలిపారు. ఈ ప్రమాదంలో ఐదుగురు సైనికులు గల్లంతయ్యారు.వీరిలో జూనిమర్ కమీషన్డ్ అధికారి కూడా ఉన్నారు.
ప్రమాద ఘటన తరవాత సైన్యం సహాయక చర్యలు ప్రారంభించింది. అప్పటికే ఐదుగురు సైనికులు చనిపోయినట్లు గుర్తించారు. ఊహించని విధంగా వరద ముంచెత్తడంతో ఈ ఘటన జరిగినట్లు సైనిక అధికారులు తెలిపారు.ఎగువ ప్రాంతంలో కురిసిన కుండపోత వర్షాలకు నదిలో ఒక్కసారిగా వరద వచ్చిందని తెలుస్తోంది.
