యువకుడిపై హత్యాచారం కేసు ఎదుర్కొంటోన్న కర్ణాటక ఎమ్మెల్సీ సూరజ్ రేవణ్ణ అరాచకాలు ఒక్కోటి వెలుగు చూస్తున్నాయి. అమావాస్య రోజుల్లో ఎర్రచీర, నల్లగాజులు ధరించేవాడంటూ సూరజ్ చేతిలో హత్యాచారానికి గురైన వ్యక్తి సీఐడి అధికారులకు ఫిర్యాదు చేశాడు. సూరజ్ ఫోన్ స్వాధీనం చేసుకుంటే అందులో ఆ ఫోటోలు కూడా లభిస్తాయని చెప్పాడు. 2019 ఎన్నికల సమయంలో సూరజ్‌తో పరిచయం అయిందని యువకుడు తెలిపారు. ఆ తరవాత ఫాం హౌస్‌లో తనను బెదిరించి తనపై అత్యాచారం చేశాడని పోలీసులకు ఫిర్యాదు చేసిన సంగతి తెలిసిందే.
ఎమ్మెల్సీ సూరజ్ రేవణ్ణకు 2018లో సాగరికతో వివాహం జరిగింది. ఆ తరవాత ఆమెతో కూడా అసహజ లైంగిక వేధింపులకు పాల్పడటంతో ఆమె విడాకులు తీసుకున్నట్లు న్యాయవాది తెలిపారు. సూరజ్ రేవణ్ణ సోదరుడు ప్రజ్వల్ రేవణ్ణ కూడా లైంగిక వేధింపుల కేసుల్లో రిమాండ్ ఖైదీగా ఉన్నారు.
