తెలుగు చిత్ర పరిశ్రమ ఎదుర్కొంటున్న సమస్యల పరిష్కారంపై, సీఎం చంద్రబాబునాయుడుతో చర్చించి తుది నిర్ణయం తీసుకుంటామని ఉప ముఖ్యమంత్రి పవన్ కళ్యాణ్ వెల్లడించారు. తెలుగు చిత్ర నిర్మాతలు విజయవాడలో పవన్ క్యాంపు కార్యాలయంలో ఇవాళ కలిశారు. ఉప ముఖ్యమంత్రి పవన్‌ను నిర్మాతలు అల్లు అరవింద్, అశ్వనీదత్, సి.కళ్యాణ్, దగ్గుబాటి సురేశ్ అభినందనలు తెలిపారు. చిత్ర పరిశ్రమ ఎదుర్కొంటున్న సమస్యలపై చర్చించారు. త్వరలో చిత్ర నిర్మాతలు చర్చించుకుని మరోసారి ఉప ముఖ్యమంత్రి పవన్ కళ్యాత్‌తో సమావేశం కావాలని నిర్ణయించారు.
చిత్ర పరిశ్రమకు ప్రభత్వం నుంచి ఎలాంటి సహకారం కావాలనే అంశంపై పూర్తి స్థాయిలో కసరత్తు చేసి, మరోసారి ఉప ముఖ్యమంత్రిని కలుస్తామని నిర్మాత అల్లు అరవింద్ తెలిపారు. పవన్‌ను కలిసినవారిలో దిల్‌రాజు, భోగవల్లి ప్రసాద్, డివివి దానయ్, సుప్రియ, బన్నీ వాస, నాగవంశీ, రవిశంకర్ ఉన్నారు.
