అమెరికాలో దుండగులు రెచ్చిపోయారు. అర్కెన్సాస్‌లోని ఓ సూపర్ మార్కెట్లో దుండగుడు జరిపిన కాల్పుల్లో బాపట్ల జిల్లా కర్లపాలెం మండలం యాజిలి గ్రామానికి చెందిన దాసరి గోపీకృష్ణ మృతి చెందాడు. 8 నెలల కిందటే ఉపాధి కోసం గోపీకృష్ణ అమెరికా వెళ్లాడు. ఓ సూపర్ మార్కెట్లో క్యాషియర్‌గా పనిచేస్తున్నాడు.శనివారం మధ్యాహ్నం ఓ దుండగుడు దగ్గర నుంచి గోపీకృష్ణపై కాల్పులు జరిపాడు. ఆ తరవాత అక్కడ కొన్ని వస్తువులు తీసుకుని పరారయ్యాడు. దుండగుడి కాల్పుల వివరాలు సీసీ కెమెరాల్లో రికార్డయ్యాయి.అవి వైరల్ అయ్యాయి.
ఉపాధి కోసం అమెరికా వెళ్లిన గోపీకృష్ణ, దుండగుడి కాల్పుల్లో మరణించడంతో యాజిలిలో విషాదచాయలు నెలకొన్నాయి. గోపీకృష్ణ మృతదేహాన్ని తీసుకువచ్చేందుకు ప్రభుత్వం సాయం చేయాలని తల్లిదండ్రులు వేడుకొంటున్నారు.
