టీ20 ప్రపంచకప్ సూపర్-8 (గ్రూప్-2)లో ఆతిథ్య దేశం అమెరికాపై వెస్టిండీస్ విజయం సాధించింది. బార్బడోస్‌లోని కెన్సింగ్టన్ ఓవల్‌లో జరిగిన మ్యాచ్‌లో విండీస్ 9 వికెట్ల తేడాతో USA పై నెగ్గింది. తొలుత బ్యాటింగ్ చేసిన అమెరికా మరో బంతి మిగిలి ఉండగానే 128 పరుగులు మాత్రమే చేయగల్గింది. 129 పరుగుల స్వల్ప లక్ష్యంతో బ్యాటింగ్‌కు దిగిన వెస్టిండీస్ 10.5 ఓవర్లలో ఒక వికెట్ మాత్రమే నష్టపోయి గెలిచింది.
ఈ విజయంతో విండీస్ గ్రూప్-2లో రెండో స్థానానికి ఎగబాకగా ఇంగ్లండ్‌పై విజయం సాధించిన సౌతాఫ్రికా మొదటి స్థానంలో ఉంది. ఓపెనర్ షాయ్ హోప్ 39 బంతుల్లో 82 పరుగులు చేసి నాటౌట్‌గా నిలవగా మరో ఓపెనర్ జాన్సన్ చార్లెస్ 17 పరుగులు చేశాడు.
తొలుత బ్యాటింగ్ చేసిన USAను విండీస్ బౌలర్లు బయపెట్టారు. మూడు పరుగులకే తొలి వికెట్ కోల్పోయిన అమెరికా ఏ దశలోనూ ప్రతిఘటన చూపలేకపోయింది. ఓపెనర్ ఆండ్రీస్ గౌస్ చేసిన 29 పరుగులే అమెరికా ఇన్నింగ్స్ లో అత్యధికం. ఎన్ఆర్ కుమార్(20), మిలింద్ కుమార్( 19), వాన్ ష్కల్క్‌విక్(18), అలీఖాన్ (14*) పరుగులు చేశారు. సూపర్-8లోకి అడుగుపెట్టిన అమోరికా రెండు ఓటములతో అట్టడుగు స్థానంలో ఉంది.
