టీ20 ప్రపంచకప్‌-2024 టోర్నీ సూపర్-8 స్టేజ్ లో ఇంగ్లండ్ శుభారంభం చేసింది. సెయింట్‌ లూసియా వేదికగా వెస్టిండీస్‌తో జరిగిన పోరులో 8 వికెట్ల తేడాతో ఇంగ్లండ్ గెలిచింది. 181 పరుగుల భారీ లక్ష్యాన్నిఇంగ్లిష్‌ జట్టు సునాయాసంగా ఛేదించింది. ఇంగ్లండ్ 17.2 ఓవర్లు ఆడి రెండు వికెట్లు నష్టపోయి విజయం సాధించింది.
ఇంగ్లండ్ జట్టులో ఓపెనర్‌ ఫిల్‌ సాల్ట్‌ బ్యాటింగ్ తో విధ్వంసం సృష్టించాడు. 47 బంతులు ఆడి 87 పరుగులు చేసి ఆజేయంగా నిలిచాడు. జానీ బెయిర్‌ స్టో(48*), కెప్టెన్‌ జోస్‌ బట్లర్‌(25) కీలక ఇన్నింగ్స్ ఆడారు. విండీస్ బౌలర్లలో రస్సెల్‌, ఛేజ్‌ చెరొక వికెట్‌ సాధించారు.
తొలుత బ్యాటింగ్ చేసిన వెస్టిండీస్‌ 20 ఓవర్లలో నాలుగు వికెట్లు నష్టపోయి 180 పరుగులు చేసింది. విండీస్ బ్యాటర్లలో చార్లెస్‌(38) టాప్ స్కోరర్‌గా నిలవగా.. పూరన్‌(36), పావెల్‌(36), రుథర్‌ఫార్డ్‌(28) మెరుగ్గా ఆడారు. బ్రిటీషు జట్టు బౌలర్లలో అర్చర్‌, కుర్రాన్‌, మొయిన్‌ అలీ తలా ఒక వికెట్‌ తమ ఖాతాలో వేసుకున్నారు.
