నీట్ ఫలితాలపై ఎన్‌టీఏకి సుప్రీం నోటీసులు

నీట్ యూజీ 2024 పరీక్షలు నిర్వహించిన నేషనల్ టెస్టింగ్ ఏజన్సీకి సుప్రీంకోర్టు నోటీసులు జారీ చేసింది. గ్రేస్ మార్కులపై విద్యార్థుల తల్లిదండ్రులు కోర్టును ఆశ్రయించడంతో ఈ తీర్పు వెలువరించింది. గ్రేస్ మార్కులు తొలగించినట్లు ఎన్‌టీఏ ప్రకటించింది. గ్రేస్ మార్కులు కావాలనుకునే వారు ఈ నెల 23న నీట్ పరీక్ష మరలా రాయాల్సి ఉంటుందని ఎన్‌టీఏ ప్రకటించింది. ఫలితాలు ఈ నెల 30న రానున్నాయి.

నీట్ ఫలితాలపై వివాదం చుట్టుముట్టిన విషయం తెలిసిందే. మొదటి ర్యాంకు 67 మందికి రావడం, గ్రేస్ మార్కుల వివాదం, ఒకే పరీక్ష కేంద్రంలో 8 మందికి ఒకే ర్యాంకు రావడంపై దేశ వ్యాప్తంగా విద్యార్థులు ఆందోళనకు దిగారు. కొందరు కోర్టులను ఆశ్రయించారు. వచ్చే నెల 8వ తేదీ లోగా గ్రేస్ మార్కులపై సమాధానం ఇవ్వాలని నేషనల్ టెస్ట్ ఏజన్సీని సర్వోన్నత న్యాయస్థానం ఆదేశించింది.