టీ20 వరల్డ్కప్-2024లో ట్రినిడాడ్‌ వేదికగా జరిగిన మ్యాచ్ లో న్యూజీలాండ్ పై వెస్టిండీస్ విజయం సాధించింది. 13 పరుగుల తేడాతో కివీస్ ఓటమి చెందింది.
తొలుత బ్యాటింగ్‌ చేసిన వెస్టిండీస్ నిర్ణీత 20 ఓవర్లలో 9 వికెట్లు నష్టపోయి149 పరుగులు చేసింది. వెస్టిండీస్ ఆటగాళ్ళలో రూథర్‌ఫర్డ్‌(68) టాప్ స్కోరర్ గా నిలిచాడు. న్యూజీలాండ్ బౌలర్లలో ట్రెంట్‌ బౌల్ట్‌ మూడు వికెట్లు తీయగా సౌథీ, ఫెర్గూసన్‌ తలా రెండు వికెట్లు, నీషమ్‌, శాంట్నర్‌ చెరొక వికెట్‌ సాధించారు.
న్యూజీలాండ్ లక్ష ఛేదనలో విఫలమైంది. 150 పరుగుల లక్ష్యంతో బరిలోకి దిగిన న్యూజీలాండ్ నిర్ణీత 20 ఓవర్లలో 9 వికెట్లు నష్టపోయి 136 పరుగులు మాత్రమే చేయగల్గింది.విండీస్‌ పేసర్‌ అల్జారీ జోషఫ్‌ 4 వికెట్లు తన ఖాతాలో వేసుకున్నాడు. స్పిన్నర్‌ మోటీ 3 వికెట్లతో చెలరేగాడు.
తాజా విజయంతో వెస్టిండీస్ గ్రూపు-సి నుంచి సూపర్-8కు అర్హత సాధించగా.. ఓటమిపాలైన కివీస్ తమ సూపర్-8 అవకాశాలను మరింత సంక్లిష్టం చేసుకుంది. రెండు ఓటములతో కివీస్ పాయింట్ల పట్టికలో నాలుగో స్థానానికి పరిమితమైంది.
ఇప్పటికే గ్రూపు-సి నుంచి విండీస్‌ సూపర్-8కు అర్హత సాధించగా మరో బెర్త్‌ కోసం అఫ్గనిస్తాన్ శ్రమిస్తోంది. అఫ్గనిస్తాన్ ఇంకా రెండు మ్యాచ్‌లు మిగిలి ఉన్నాయి. ఒక్క మ్యాచ్‌లో విజయం సాధించినా నేరుగా సూపర్-8లో అడుతుపెడుతుంది.
