బాలీవుడ్‌లో విషాదం చోటు చేసుకుంది. నటి నూర్ మాలబికా దాస్ ఆత్మహత్యకు పాల్పడ్డారు. ముంబైలో ఆమె నివాసం ఉంటోన్న అపార్ట్‌మెంట్ ఫ్లాట్ నుంచి దుర్వాసన రావడంతో ఇరుగుపొరుగువారు పోలీసులకు ఫిర్యాదు చేశారు. పోలీసులు తలుపులు పగలగొట్టి చూడగా..మాలబికా దాస్ చనిపోయి ఉన్నారు. చనిపోయి చాలా రోజులు కావడంతో మాలబికా శరీరం కుళ్లిపోయిందని పోలీసులు తెలిపారు.
మాలబికా నూర్ ఆత్మహత్యకు పాల్పడినట్లు పోలీసులు అనుమానిస్తున్నారు. ఆమె అస్సాం నుంచి బాలీవుడ్ మూవీస్‌లో నటించడానకి ముంబై వచ్చి నివాసం ఉంటున్నారు. ఆమె తల్లిదండ్రులు ఇటీవలే ముంబై వచ్చి వెళ్లారు. కూతురు మరణ వార్త తెలిసినా, మేము రాలేని దుస్థితిలో ఉన్నామని పోలీసులకు సమాచారం అందించారు. నూర్ స్నేహితులు, ఓ స్వచ్ఛంద సంస్థ సహకారంతో అంత్యక్రియలు ముగించారు. నూర్ ఆత్మహత్యకు కారణాలు తెలియాల్సి ఉంది.
