దేశ ప్రధానిగా నరేంద్ర మోదీ ఇవాళ సాయంత్రం ప్రమాణ స్వీకారం చేయనున్న వేళ తెలుగు రాష్ట్రాలకు గుడ్‌న్యూస్ అందించారు. ఏపీ నుంచి ముగ్గురుకి, తెలంగాణ నుంచి ఇద్దరికి కేంద్ర మంత్రి పదవులు రాబోతున్నాయనే సంకేతాలు అందాయి. ఏపీలో టీడీపీ నుంచి శ్రీకాకుళం ఎంపీగా మూడోసారి గెలిచిన రామ్మోహన్‌నాయుడుకు క్యాబినెట్ ర్యాంకు, గుంటూరు ఎంపీ పెమ్మసాని చంద్రశేఖర్‌కు సహాయ మంత్రి, నరసాపురం బీజేపీ ఎంపీ భూపతిరాజు శ్రీనివాసవర్మకు సహాయ మంత్రి పదవి దక్కనుంది.
ఇక తెలంగాణ నుంచి సీనియర్ బీజేపీ నేత కిషన్‌రెడ్డికి క్యాబినెట్ ర్యాంకు మంత్రి పదవి, బండి సంజయ్‌కు సహాయ మంత్రి పదవి దక్కనుంది. ఇవాళ సాయంత్రం ఢిల్లీలో 7 గంటలకు ప్రధాని మోదీ ప్రమాణ స్వీకారం తరవాత, మొత్తం 30 మంది మంత్రులు ప్రమాణ స్వీకారం చేయనున్నారు. రాజమండ్రి బీజేపీ ఎంపీతా గెలిచిన పురందేశ్వరికి లోక్‌సభ స్పీకర్ పదవి దక్కనుందని తెలుస్తోంది.
