టీ20 వ‌ర‌ల్డ్‌క‌ప్‌లో న్యూజిలాండ్‌ను ప‌సికూన ఆఫ్గ‌నిస్తాన్ ఓడించింది. గ్రూప్-సీలో భాగంగా జ‌రిగిన మ్యాచులో ఏకంగా 84 ప‌రుగుల తేడాతో గెలిచింది.
తొలుత బ్యాటింగ్ చేసిన ఆఫ్గ‌నిస్తాన్ నిర్ణీత 20 ఓవర్ల‌లో ఆరు వికెట్ల కోల్పోయి 159 పరుగులు చేసింది. గుర్బాజ్ 80 పరుగులు చేయగా జద్రాన్ 44 రన్స్ చేసి కీలక పాత్ర పోషించాడు. కివీస్ బౌలర్లలో ట్రెంట్ బౌల్ట్‌, హెన్రీ చెరో రెండు తమ ఖాతాలో వేసుకోగా లూకీ ఫెర్గూస‌న్ ఒక వికెట్ తీశాడు.
లక్ష్య‌ఛేద‌న‌లో కివీస్ 75 ప‌రుగుల‌కే పెవిలియన్ చేరింది. ఫ‌రూకీ, ర‌షీద్ ఖాన్ అద్భుతంగా బౌలింగ్ చేశారు. ఫిలిప్స్(18) మినహా మిగతావారు సింగిల్ డిజిట్‌కే పరిమితం అయ్యారు. గుర్బాజ్ ‘ప్లేయ‌ర్ ఆఫ్ ది మ్యాచ్’ టైటిల్ సొంతం చేసుకున్నాడు.
టీ20 టోర్నీలో సంచలనాలు నమోదు అవుతున్నాయి. పసికూనలు అగ్రజట్టులను ముప్పతిప్పులుపెడుతున్నాయి. పాకిస్తాన్ ను అమెరికా ఓడించింది.
