మోదీ ప్రమాణస్వీకారానికి ఆరు దేశాల అధినేతలు హాజరుకానున్నారు. మోదీపై వివాదాస్పద వ్యాఖ్యలు చేసిన మాల్దీవుల అధ్యక్షుడు మొయిజ్జుకు కూడా ఆహ్వానం అందింది. మాల్దీవుల అధ్యక్షుడు మొయిజ్జు భారత్‌పై విషం కక్కినా తాము శాంతికాముకులం అనే సందేశం పంపారు.ఈ నెల 9న నరేంద్ర మోదీ ప్రమాణ స్వీకారానికి శ్రీలంక, బంగ్లాదేశ్, నేపాల్, మారిషస్, భూటాన్, మాల్దీవుల అధినేతలకు ఆహ్వానాలు అందాయి.వారంతా హాజరవుతారని తెలుస్తోంది.
పొరుగుదేశాల నేతలకు మోదీ ప్రాధాన్యత ఇచ్చారు. మోదీ ప్రమాణ స్వీకారానికి 8 వేల మంది ప్రముఖులు హాజరుకానున్నారు. ఢిల్లీలోని కర్తవ్యపథ్‌లో మోదీ ప్రమాణస్వీకార కార్యక్రమం ఉంటుందని అందరూ భావించారు. అయితే వాతావరణం సహకరించే పరిస్థితి లేకపోవడంతో, ప్రమాణ స్వీకార కార్యక్రమాన్ని రాష్ట్రపతి భవన్‌కు మార్చే అవకాశం కనిపిస్తోంది.
