టీ20లో పెను సంచలనం నమోదైంది. పాక్‌పై అమెరికా జట్టు సంచలన విజయం నమోదు చేసింది. డల్లాస్ వేదికగా జరిగిన మ్యాచ్‌లో సూపర్ ఓవర్‌లో అమెరికా జట్టు విజయం సాధించింది. ముందుగా పాక్ 20 ఓవర్లలో 7 వికెట్లు కోల్పోయి 159 పరుగులు చేసింది. 160 పరుగుల లక్ష్యంతో బరిలో దిగిన అమెరికా జట్టు 3 వికెట్లు కోల్పోయి 159 పరుగులు చేసింది. మ్యాచ్ టై అయింది. సూపర్ ఓవర్‌లో అమెరికా జట్టు ఒక వికెట్ కోల్పోయి 18 పరుగులు చేసింది. 19 పరుగుల లక్ష్యంతో బరిలో దిగిన పాక్ జట్టు వికెట్ కోల్పోయి 13 పరుగులు చేసింది.

అమెరికా జట్టులో స్టీవెన్ టేలర్ 12, మోనాంక్ పటేల్ 50, ఆరోన్ జోన్స్ 25, నితీశ్ కుమార్ 14 పరుగులు చేశారు.పాక్ బౌలర్లు మహ్మద్ అమిర్, హరిస్ రవూఫ్, నసీమ్ షా ఒక్కో వికెట్ తీశారు.

అంతకు ముందు పాక్ ఆటగాళ్లు బాబర్ అజామ్ 44, సాదాబ్ ఖాన్ 40, ఇఫ్తికార్ అహ్మద్ 18, షాహీన్ అఫ్రిది 23 పరుగులు చేశారు. అమెరికా బౌలర్లు కెంజిగే 3, నేత్రవల్కర్ 2, అలీఖాన్,జస్దీప్ సింగ్ తలో వికెట్ తీశారు.