ప్రధాని నరేంద్రమోదీ జూన్ 8న మూడో సారి ప్రధానిగా ప్రమాణ స్వీకారం చేయనున్నారు. ఈ కార్యక్రమానికి ఎన్డీయే పక్షాల నేతలు హాజరు కానున్నాయి. ఆంధ్రప్రదేశ్ నుంచి టీడీపీ అధినేత చంద్రబాబు, జనసేనాని పవన్ కళ్యాణ్ ఈ కార్యక్రమంలో పాల్గొననున్నారు.
నేడు దిల్లీలో జరుగుతున్న ఎన్డీయే భాగస్వాముల మీటింగ్ లో పాల్గొనేందుకు చంద్రబాబు, పవన్ కళ్యాణ్ ఇప్పటికే దిల్లీ చేరుకున్నారు. జేడీయూ అధినేత నితీశ్ కుమార్ కూడా సమావేశంలో పాల్గొనున్నారు.
సార్వత్రిక ఎన్నికల ఫలితాల్లో బీజేపీ 240 ఎంపీ స్థానాల్లో విజయం సాధించగా ఎన్డీయే కి 293 స్థానాలు దక్కాయి. ప్రభుత్వ ఏర్పాటుకు అవసరమైన మ్యాజిక్‌ మార్కు 272ను ఎన్డీయే దాటింది.
